Dowladda Mareykanka ayaa dib u cusbooneysiisay digniintii ay u jeedineysay shirkadaha diyaaradaha rayidka ee ku duulaya hawada Kenya si ay uga digtoonaadaan weerarrada suurtagalka ah ee Al-shabaab, taasoo sii kordhin karta walaaca dalxiiska.
Hay’adda duulista hawada ee dawladda Faderaalka ee Maraykanka (FAA) ayaa Sabtidii sheegtay in ay jirto Qatar ka imaanaysa dhanka Al-shabaab-ka Soomaaliya, islamarkaana weli khatar ku tahay Kenya oo ay weli haystaan hub awood u leh inay ku garaacaan hawada sare ee diyaaradaha.
“Hubka noocan oo kale ah wuxuu bartilmaameedsan karaa diyaaradaha joog hoose, oo ay ku jiraan inta lagu jiro marxaladaha imaatinka iyo bixida ee duulimaadka, ama bartilmaameedka garoommada iyo diyaaradaha ee dhulka, gaar ahaan garoommada ku yaal bariga 40 darajo bari.”
Waddooyinka hawada ee digniinta FAA ay dabooleyso waxaa ka mid ah kuwa isku xira Nairobi iyo wadamada bariga fog sida Dubai (UAE), India, iyo China, iyo meelaha kale ee ay u safraan shirkadaha waaweyn.
Diyaaradaha isaga kala goosha waddooyinkaasi ayaa isaga kala goosha gobollada bari ee Kenya sida Gaarisa, waxayna ka baxaan dalka Soomaaliya deriska la ah.
Al-Shabaab ayaa si cad u shaacisay in ay qaadayso weeraro ay uga aargoosanayso howlgallada ka dhanka ah argagixisada ee Kenya ay ka wado Soomaaliya, kuwaas oo ay ka fuliyaan qeybta ka ah howlgalka Midowga Afrika ee AMISOM.