Madaxweynaha Dowlad Goboleedka Puntland Saciid Cabdulaahi Dani ayaa waxa lagu wadaa in maanta uu safar deg deg ah ku tago Magaalada Qardho ee Gobolka Karkaar
Ujeedka Madaxweyne Dani utagayo Qardho ayaa ah in maanta uu halkaasi tababar ugu soo xirayo Cutubyo Cusub oo ka mid noqonaya Ciidanka Dowlad Goboleedka Puntland kuwaasi oo in muddo ah tababar ku qaatay Xerada xorgoble ee Guddaha Magaalada Qardho
Masuuliyiin ka tirsan Puntland oo Dhinaca Tayenta Ciidanka qaabisa ayaa madaxweyne Dani kaga sii horeyay Qardho kuwaasi oo ay ka mid yihiin Wasiirka Amniga Iyo Kan Maaliyadda Xukuumadda Puntland
Munaasabada Ciidankan tababar loogu xiraya ayaa si weyn haatan diyaagarowgeedu uga socda Qardho
Waxaana la filaya in madaxweynayaasha Puntland Saciid Cabdulaahi Dani uu ka qeyb galo munaasabadaas islamarkaasna uu Ciidanka cusub ujeediyo dardaaran ku aadan gudasha wajibaadka qaran ee saaran
Maamulka Puntland ayaa muddoyinkii dambe waday qorsheyaal dhowr ah oo lagu Tayenayo Ciidanka
Waxaana ay soo saareen dhowr dufcadood oo ka mid noqonaya Ciidanka Dowlad Goboleedka Puntland kuwaasi oo tababar Heer sare ah lasiiyay