Ciidamada nabad sugida iyo sirdoonka qaranka ee nisa ayaa waxa ay saacadiihii lasoo dhaafay howlgalo balaaran ka fuliyeen deegaano hoostaga degmada baladweyne ee gobolka hiiraan
Howlgaladaan ayaa waxa la sheegay in ujeedkoodu uu ahaa dagaal ka dhan ah xubnaha dagaalamayaasha ee ku sugan magaalada baladweyne iyo deegaanada hoosyimada iyo sidii loo xaqiijin lahaa amaanka deegaanada dhaca gobolka hiiraan
saraakiisha dowladda ee hogaamineysan howlgalka ayaa waxa ay sheegeen in ciidamada dowladdu ay ka hortagayeen xoolo iyo lacag oo lagu magacdaray sakawaad oo dadka shacabka ah ay ka qaadayaan xubno ka tirsan dagaalamayaasha al-shabaab
waxaana ay intaasi ku dareen in howlgalada goobihii laga sameeyay ay iskaga baxsadeen al-shabaab kadib markii ay ka war heleen in ciidmada dowladda ay kusoo wajahanyihiin
saraakiisha ciidanka nisa ayaa waxa ay xaqiijiyeen in howlgalada ay sii wadidoonaan tan iyo in laga xaqiijinayo amaanka islamarkaasna mar walba ay sameynayaan howlgalo looga hortagayo dadka doonaya in ay ku kacaan falalka amniga ka hor imaanaya
xaalada magaalada baladweyne ayaa mudooyinkii dambe daganayd iyadoo habeenada qaar ay jireen weerar bambaanooyin ah oo lala beegsado fariisimaha ciidamada dowladda magaalada baladweyne