Iyadoo dhawaan uu madaxweynaha jamhuriyada faderaalka soomaaliya maxamed cabdulahi farmaajo uu ku baaqay in ay shir iskugu yimaanadaan madaxda dowladda iyo dowlad goboleedyada ayaa waxa haatan wararku ay sheegayaan in diyaargarow ugu dambeeyay uu socdo oo ku aadan shirka maanta sabti ah fumaya
Shirkaan oo ay iskugu imaanayaan dhamaan shanta madaxweyne ee dowlad goboleedyada ,gudoomiyaha Gobolka banaadir ,Ra’iisul wasaare Rooble Iyo Madaxweynaha jamhuuriyada
Shirkaan oo la filayo insaacadaaha soo socda uu ka furmo teendhada xerada afisiyooni ayaa waxa looga hadlayaa arimaha xakiran ee doorashooyinka dalka iyo sidii xal waara looga gaari lahaa
Waxyaabaha ugu badan ee wacaala laga muujiyay shirka maanta furmaya ayaa waxaa ka mid ah ajandaha shirka cida shir godoomineysa iyo dhinaca amniga cida sugeysa
Madaxweynayaasha puntland iyo jubbaland oo goorsiihoreysay aqbalay ka qeyb galka shirkaan ayaa dalbaday in qodobo dhowr ah ay u baahanyihiin in cadeeyo si ay shirka ugu qeyb galaan
Madaxweynayaasha jubbaland iyo puntland ayaa kasoo horjeestay in uu shirka shir gudoomiyo madaxweyne farmaajo kaasi oo ay sheegeen in uu waqtigiisa dhamaaday sharcina aysan aheyn in uu shir gudoomiyo
Sidookale hogaamiayaasha puntland iyo jubbaland ayaa dalbaday in amniga cidda sugeysa loo sheego
Intaasi kadib Kulan saacado badan qaatay oo ay yeesheen guddiga dhinaca amniga ah ee kala socda madaxda dowladda , dowlad goboleedyada iyo ayaa waxa ay soo saareen qodobo dhowr ah oo kusaanbsan sugida amniga shirka
Waxaana ka mid ah In hoolka Teendhada oo shirku ka dhacayo Amnigeeda ay la wareegaan AMISOM.
In gudaha Teendhada aan lala geli karin askarta hubaysan ee wadata hubka muuqda.
In dhamaan madaxda Dowladda Federaalka iyo dowlad goboleedyada ciidanka ay uga tagaan banaanka Teendhada Afisyooni.
Shirkaan ayaa dhowr jeer baaqday waxaana lagu wadaan in maanta uu qabsoomo
Beesha caalamka ayaana la sheegay in gacanweyn ay ka geysanayso qabsoomida shirkaani iyadoona la tilmaamay in cadaadi xoogan ay saartay madaxada dowladda iyo dowlad goboleedyada dalka