QM oo War Kasoo Saartay Shirka Madaxda Maamul Goboledyada

0

Xafiiska Qaramada Midoobe u qaabilsan Soomaaliya ee UNSOM ayaa ka hadlay shirka ay madaxda maamul goboleedyada Soomaaliya dhowaan ku yeelanayaan magaalada Dhuusamareeb ee xarunta Galmudug.

Sidoo kale QM ayaa sheegtay in uu hor-dhac u yahay Shir heer Qaran ah oo dhexmara dowladda Federaalka iyo Dowlad Goboleedyada ay kaga arrinsanayaa Arrimaha doorashooyinka, amniga iyo dib u eegista Dastuurka.

Shirka ka furmaya Magaalada Dhuusamareeb ayaa waxaa looga hadli doonaa xaaladda siyaasadeed ee dalka, sidii loo xalin lahaa Khilaafyada jira, dib u soo celinta wadashaqeyntii dowladda iyo Arrimaha Doorashooyinka dalka ee 2020/2021.

“Xafiiska Qaramada Midoobe wuxuu soo dhaweynayaa shirka ay qorsheeyeen dowladaha xubnaha ka ah Federaalka ee ka dhacaya Dhuusamareeb, kaas oo hordhac u ah shirweynaha dowladda Federaalka iyo Maamul Goboleedyada oo looga wada xaajoonayo arrimaha aas-aasiga ah ee muhiimka u ah qaranka oo ay ka mid yahiin: Doorashooyinka, xasilloonida iyo dib u eegista dastguurka,” ayaa lagu yiri qoraalka.

CEVAP VER

Please enter your comment!
Please enter your name here