Taliska Mareykanka ee Afrika ayaa shaaca ka dhigay in duqeyn diyaaradeed ay ka fuliyeen Soomaaliya Axadii lasoo dhaafay, laguna dilay labo ka mid ah Al-Shabaab.
Sida lagu sheegay bayaan ka soo baxay AFRICOM, Al-Shabaab ayaa weerar ku qaaday ciidamo ka tirsan kuwa dowladda Soomaaliya oo ku sugnaa meel ku dhow Buulobarde, oo in ka badan 124 mile dhanka waqooyi ka xigta caasimadda dalka ee Muqdisho.
Tani waxay u muuqataa duqeyntii 10-aad ee ciidamada Mareykanka ay ka geystaan Soomaaliya sanadka 2022-ka, sida uu sheegay Tracker Long War Journal. Taasi waa marka la barbar dhigo 11 ka mid ah duqeymo 2021 iyo 44 ee 2020.
Washington ayaa bilooyinkii lasoo dhaafay waxay dardargelisay howlgalada dhanka cirka ee ka dhanka ah Al-Shabaab.
Howlgalkan ayaa ku soo beegmay maalin kadib markii dowladda Soomaaliya ay sheegtey in duqeymo ay ka dhacay gobolka Shabeellaha Dhexe lagu khaarijiyey in ka badan 100 Al-Shabaab ah kuna jiraan hogaamiyeyaal.