Warar dheeraad ah ayaa kasoo baxaya dab khasaare kala duwan dhaliyay oo xalay ka kacay suuqa weyn ee magaalada boosaaso ee xarunta ganacsiga puntland
Dabkaan wali lama xaqiijin waxa uu ka dhashay balse waxa la sheegay uu gubay goobo ganacsi oo u badnaa carwooyin kuwaasi oo ku yaalay suuqa weyn ee magaalada boosaaso
Dadka shacab ah iyo baabuurta dabdamiska ah ayaa waxa la sheegay in ay iska kaashadeen sidii dabkaasi loo daminlaahaa
Muddo saacada ah kadibna waxa la tilmaamay in ay ku guuleeysteen in ay damiyaan dabkaan khasaaraha geystay islamarkaasna ku siifidayay suuqa
Maamulka magaalada boosaaso masuuliyiin ka tirsan oo warbaahinta la hadlay ayaa xaqiijiyay in dabkaan uu ka dhshay qasaare baaxad lah islamarkaasn ay baarayaan wax uu ka dhashay
Waxaana ay intaasi ku dareen in dabkaan uu halis weyn galiyay suuqa magaalada boosaaso islamarkaasna ay sida ugu dhaqsiyaha badan ugu howlgalin doonaan soo saarida sababta rasmiga ah ee dabkaan in uu kaco dhalisay
Wararka aan ka helayno suuqa uu dabku ka kacay ayaana waxa ay sheegayaan in dabkaan uusan ka dhalan wax khasaara nafeed ah balse ay hanti ku gubatay
Deegaanada maamulka puntland uu ka arimiyo ayaa waxa xliyada qaar suuqyada ku yaal waxa ka kaca dab qasaaro sababa kuwaasi oo ay sababaaan fiilooyinka badan ee korontada iyo dab si qaldan ee loogu tuuray