Maamulada puntland iyo jubbaland ayaa kasoo horjeestay muddo kordhintii loo sameeyay madaxda dowladda oo waqtigoodu dhamaaday
Waxaana ay sheegeen in wixii ay sameeyeen xildhibaanada golaha shacabka aysan aheyn wax wanaagsan oo sharci ku dhisan
Dowlad goboleedka Jubaland oo qoraal kooban soo saaray ayaa ka hadlay mowqifkooda ku aadan wiixii ka dhacay Golaha Shacabka
Waxaan ay cadeeyeen in xildhibaanada golaha shacabka ee muddo xileedkoodu dhamaaday aysan qaadin talaabo wax sharci ah ku dhisnayn.
Jubbaland qoraalka kasoo baxay ayaa lagu sheegay in arrinkan uu yahay mid dib u celinaya hannaanka geeddi socodka dib u dhiska dowladnimada dalka.
Dhankale maamulka puntland ayaa iyaguna dhankooda ka hadlay muddo kordhintii dowladda
Waxaana ay sheegeen in si aad ah ay uga xunyihiin wiixii ka dhacay xarunta xildhibaanada golaha shacabka
Afhayeenka madaxtooyada Puntland Jaamac Yuusuf Dabaraani ayaa qoraal uu soo dhigay bartiisa interneetka ku sheegay in Dowlad goboleedka Puntland ay ka xuntahay arinta dhacday
Isaga oo intaas ku daray in ay aheyd tillaabo sharci daro ah oo uu qaaday Aqalka Hoose ee Baarlamaanka DFS ee wakhtigu ka dhammaaday
Damaraani ayaa xusay in si rasmi ah ay mowqifkooda usoo cadeynayaan islamarkaasna ay shacabka soomaaliyeed lasoo wadagayaan waxa ka dhacay golaha shacabka
Xildhibaanada golaha shacabka ayaa cod aqlabiyad leh ku ansixiyay muddo kordhinta labada sano ah oo ay uu sameeyeen ha,adaha dowladda ee waqtigoodu dhamaaday