Maamulka Gobolka Hiiraan ayaa heshiis nabadeed dhex dhigay beelo dhawaan ku dagaalamay degaanno hoostaga degmada jawiil ee gobolka Hiiraan.
Odayaasha degaanka iyo maamulka gobolka Hiiraan ayaa dhawaanahaan ku howlanaa sidii ay u heshiisiin lahaayeen beelahaasi walaalaha ah, Guddoomiiye ku xigeenka arrimaha bulshada gobolka hiiraan Cabdiraxmaan Maxamed Xuseen ayaa idaacadda Simba u sheegay in ay ku guuleysteen in ay dhex dhexaadiyaan labadii beelood ee dagaalamay ,Maamulka Gobolka Hiiraan iyo Odayaasha beelihii dagaalamay ayaa si wada jir ah uga qayb qaatay soo afjaridda colaaddii dhawaanahaan taagnayd.
Dhanka kale waxaa uu ugu baaaqay guddoomiye ku xigeenku in aysan dib u soo laaaban colaadani oo kale, ayna ka wada shaqeeyaan sidii ay si nabad galyo ah ugu wada noolaan lahaayeen beelahaan walaalaha ah.
Dhawaan ayay ahayd markii degaanka Mareero oo hoostaga degmada Jawiil ee gobolka hiiraan ay ku dagaalameen beelahaan walaalaha ah, waxaana maanta lagu guuleystay in la dhex dhigo heshiis nabadeed

