Madaxweynaha jamhuuriyada Soomaaliya Maxamed Cabdulahi Farmaajo iyo afhayeenka baarlamaanka Soomaliya Maxamed Shekh Cismaan Jawaari ayaa xalay kulan gaar ah ka yeeshay dajinta xasaradaha siyaasadeed ee taagan iyo in nidaam sharciyeed loo dhameeyo mooshinka ka yaala gudoomiye Jawaari.
Sidoo kale waxay labada masuul kawada hadleen oo ay kulankooda qaaska ah ku gorfeeyeen in codeynta mudadii loogu talagalay ay ku dhacdo taas oo ka bilaabaneysa maalintii mooshinka la keenay sida xeer hoosaadka baarlamanka uu tilmaamayo.
Afhayenka ayaa ogolaaday in codka kalsoonida loo qaado balse waxa uu codsaday in codeynta ay ka dhacdo meel amnigeeda uu suganyahay marqaati ahaana ay joogaan Xildhibaanada aqalka sare bulshada rayidka iyo culimada si buu yiri ay arinta u noqoto mid daah furnaan ah sida ay xaqiijiyeen masuuliyiin ka ag dhawaa goobta kulanka uu ka dhacay .
Si xilka looga qaado gudoomiyaha baarlamaanka Soomaliya Maxamed Shekh Cismaan Jawaari ayaa u baahan saddex meelood laba meel tirada xildhibaanada inkastoo durbaba ay bilowdeen olole iyo xod xodosho loogu jiro in qolo waliba ay hesho tiro ku filan si dhinac kastaba uu go,aankiisa u xajisto.
Xildhibaan Maxamuud C/raxmaan Beenabeene oo kamid ah xildhibaanada aqalka hoose ka agdhow gudoomiyaha mooshinka laga keenay ee Jawaari ayaa warbaahinta faah-faahin ka siiyay kulankii xalay u dhaxeeyay Madaxweynha iyo Gudoomiyaha Baarlamaanka
Hadii uu guuleysto mooshinka laga keenay gudoomiye Jawaari uu gudoomiyuhu heli waayo codka kalsoonida waxay taasi ka dhignaaneysaa waji cusub oo siyaasadeed maadama 30 kii sanadood ee la soo dhaafay dhaqanka dowladnimada Soomaaliya looga bartay inay is qabtaan madaxweyne iyo Ra,isalwasaare taas oo uu aakhirkii daaqada ugu bixi jiray raisulwasaaraha.
14kii bishaan gudoomiyaha baarlamaanka Soomaaliya waxaa mooshin ka keenay in kabasdan 100 Xildhibaan .