Madaxweynaha Maamulka Puntland Dr C/wali Maxamed Cali (Gaas) ayaa ku booriyey ciidamada amaanka Puntland in ay xoojiyaan amniga iyo xasiloonida, isla markaana ay ka feejignaadaan weerarada dagaalyahanada Xarakada Al-shabaab iyo Daacish ay ka geysan karaan meelo kamid ah Puntland iyagoo ka faaideysanaya isbadalka Puntland ka dhacay.
“Waxaan Ku boorinaya ciidamada qalabka sida ee Puntland, in ay xoojiyaan amniga iyo xasiloonida deeganada maamulka Puntland, isla markaasna ka feejignaadaan dhagaraha ay maleegayaan Al-shabaab iyo Daacish, aad iyo aad ayaa u mahadsantihiin” ayuu yiri Madaxweynaha maamulka Puntland.
Sidoo kale Madaxweynaha Maamulka Puntland Dr C/wali Maxamed Cali Gaasayaa sheegay inuu golihiisa Wasiiradda kusoo dhisi doono muddada uu ogolaanayo dastuurku, isla markaa waxa uu Madaxweynuhu hoosta ka xariiqay inuu la tashan doono Madaxweyne kuxigeenka Puntland Eng. Cabdixakiin Xaaji Cabdulaahi Cumar Camey.
”Taasi waxay i faraysa Madaxweyne ahaan in aan Golaha Xukuumadda kusoo dhiso, muddada uu ii ogolyahay Dastuurku, anigoo la tashanaya Madaxweyne Ku xigeenka Dowladda Puntland uuna qabo Dastuurka Puntland.” ayuu yiri Madaxweynaha Mamulka Puntland Dr C/wali Maxamed Cali (Gaas).