Gudoomiyayaasha maamulada Puntland iyo Galmudug ee Gobolka Mudug ayaa kormero ku tagay goobihii dhawaanahaan ay kuwada dagaalameen Ciidamada maamulada Puntland iyo Galmudug.
Mas’uuliyiinta oo warbaahinta kula hadlay goobaha ay kormeerada ku tageen ayay sheegeen in xaalada Magaalada Gaalkacyo ay xiligaan tahay mid aad u wanaagsna tan iyo markii lagu heshiiyay xabad joojinta.
Ugu horeyntii Guddoomiyaha gobolka Mudug ee dhanka Galmudug Cabdirashiid Carte ayaa sheegay in ammaanka uu wanaagsan , islamarkaana dadka shacabka ah looga baahan yahay in ay kusoo laabtaan Magaalada.
Dhanka kale Xasan Maxamed Khaliif (Abgaalow) Gudoomiyaha gobolka Mudug ee dhanka Puntland ayaa dhankiisa sheegay in ay damaanad qaadeen ammaanka Magaalada Gaalkacyo sidaas darteedna loo baahan yahay in dadka shacabka ah ay kusoo laabtaan Magaalada.
