Ninkan oo u dhashay Dalka Tanzaniya islamarkaana la sheegtay inuu horay uga tirsana Xarakada Al-shabaab ayaa Xukun dil ah waxaa ku ridday Maxkamadda Xarakada Al-shabaab ee Degmada Jiib ee ee gobolka Jubada dhexe.
Waxaa lagu eedeeyey inuu ahaa Basaas u adeegayey dowlado shisheeye kuwaasi oo doonayey inay qaarijiyaan saraakiil sar sare oo ka tirsan Al-shabaab oo isugu jira Soomaali iyo ajaanib waxaana Al-shabaab ay sheegeen in ninkan basaasnimada ay ku eedeeyeen uu si gaara u doonayey inuu u basaaso raga ajaanibta ah ee ka tirsan Al-shabaab.
Eedeysanaha Maxkamaddu ay xukuntay ayaa waxaa laga duubay Vedio oo ku qiranayo inuu ahaa basaas Al-shabaab saraakiishooda shir-qoolada u maleega islamrkaana uu qaatay lacago uu ku fulin lahaa weerar lagu doonayey in lagu dilo saraakiil ka tirsan Al-shabaab.
Maxkamadda Xukunka ridday ayaa sheegtay in gacant lagu dhigay ruuxaan isagoo ku guda jir falka lagusoo eedeeyey uuna u shaqeynayey dowladaha Maraykanka iyo Rwanda.
Al-shabaab ayaa dhawr mar sidaan oo kale xukunno ugu riday rag ka tirsanaa oo ay ku eedeeyeen inay la shaqeynayeen wadamada Mareykanka iyo reer galbeedka.