Xaalada Magaalada Gaalkacyo ee Gobolka Mudug ayaa caawa dagan xili saakay ilaa duhurnimadii maanta ay kuwada dagaalameen Ciidamo kala taabacsan Maamulada Galmudug iyo Puntland oo kawada arimiya Magaaladaas.
Labada dhinac ayaa isku adeegsaday hubka noocyadii kala duwan waxaa jirey madaafiic dhowr ah oo ku dhacday dagaalka inta uusan bilaaban aaga laga dhisaayo Maxjarka ee Galmudug u diidan tahay in Puntland dhisato.
Puntland oo ka hadashey dagaalka ayaa sheegtey in Ciidamada Dowladda Federaalka Soomaliya ay qayb ka yihiin dagaalka Magaalada Gaalkaco , hadalada jees-jeeska ah ee ka soo baxay Dowladda Federaalkuna uu yahay mid sii hurinaya Colaada, haddii ciidamo la geenayo Gaalkacyo horeyba waa u joogeen waana kuwa u dagaalamaya Galmudug oo hiilada la garab taagan, mana jirto wax la yiraahdo ciidamo Qaran ee SNA ayaa lagu yiri war kasoo baxay Puntland.
Dhanka kale Maamulka Galmudug oo dhankiisa ka hadlay dagaalka Magaalada Gaalkacyo ayaa ku eedeyay madaxda Maamulka Puntland in ay sii hurinayaan colaada ka jirta Magaalada Gaalkacyo ee Gobolka Mudug iyagoona beeniyay in Ciidamada Xoogga dalka Soomaliyeed ay ka qeyb qaadanayaan Dagaalada Magaaladaas ka socda.