Sida ay sheegayaan wararka Ciidamada Nabad sugida iyo sirdoonka Dowlada soomaliya ayaa galabta galinkii dambe Albaabada isugu laabay Xarunta Cilmi Baarista iyo Daraasaadka ee Magaalada Muqdisho.
Xarunta oo ku taala Isgoyska Banaadir ee Degmada Hodan ayaa la sheegay in ay gaareen Ciidamo aad u hubeysan oo ka Tirsan kuwa Nabad sugida Dowlada soomaliya waxayna xarunta sidoo kale ka kaxeysteen lix nin, oo xarunta ku sugneed.
Xubnaha la xiray, ee xarunta ku sugnaaa ayaa waxaa ku jira Gudoomiyaha Xarunta Cilmi Baarista iyo Daraasaadka ee Magaalada Muqdisho, C/wahaab Cali Muumin.
Ilaa hadda wax war ah kama soo bixin dhanka Hay’adaha amniga Dowlada soomaliya oo loogu hadlaayo xarintaan Xarunta Cilmi Baarista iyo Daraasaadka ee Magaalada Muqdisho.