Magaalada Nairobi ee Caasimada dalka Kenya waxaa Maanta ka furmay Shir looga hadlaayo xiriirka maaliyadeed ee wasaaradda maaliyadda dowladda Federaalka ee Soomaaliya iyo Maamul Goboleedyada dalka.
Shirkaan ayaa socon doona Muddo toddobaad ah waxaana ka qeyb galaya Guddiyo ka kala socda wasaaradda maaliyadda Soomaaliya, maamullada Puntland, Jubbaland, Galmudug, Koonfur-galbeed iyo khuburro dhinaca maaliyadda ah.
Isku duwaha mashruuca dib u habeynta maaliyadda dalka, Farxaan Cali Maxamuud (Cali Gaban) ayaa u sheegay warbaahinta in shirka uu ku saabsan yahay sidii ay dowladda iyo maamullada u wadaagi lahaayeen nidaam loo dhan yahay oo maaliyadeed, fulinta shuruucda canshuuraha, xisaabaha iyo maareynta deymaha.
Bankiga aduunka ayaa dhawaan balan qaaday in uu bixin doono lacag gaareysa $200 oo milyan oo loogu talagalay Mashruuca dib u habeynta Maaliyadda Soomaliya.
