Malatariga dalka Turky-ga ayaa sameeyay isku day ay ku doonayeen in ay ku afgambiyaan Dowlada uu hogaamiyo Recep Tayyip Erdoğan.
Taangiyo waa weyn ayaa lagu jaray wadooyinka gala garoomada diyaaradaha ee Istanbul iyo Ankara ee dalka turkey-ga waxaa sidoo rasaas laga maqlay garoonka diyaaradaha ee Istanbul iyo buundada Bosphorus.
Waxaa sidoo kale jira warar sheegaya in qaraxyo culus laga maqlay caasimadda Ankara, iyo in diyaarad helicopter ah ay gantaal ku dhufatay dhismaha telefishinka qaranka.
Telefishinka CNN iyo wakaaladda wararka ee Reuters ayaa sheegaya in madaxweyne Recep Tayyip Erdogan uu badqabo, balse ma aanay sheegin halka uu ku sugan yahay.
Ra’iisul wasaaraha Turkiga, Binali Yildirim, ayaa sheegay in milateriga dalkaasi ay “fuliyeen fal aan loo idmin” balse aanu afgemi ahayn.
Dhanka kale Recep Tayyip Erdoğan Madaxweynaha dalka turkey-ga ayaa sheegay in isku-dayga ay ka dambeeyaan koox yar oo ka tirsan milateriga, isla markaana aanay guuleysan doonin.
