Magaaada Garoowe ee Gobolka Nugaal waxaa maalmihii dambe ka socday Kulamo u dhaxeeyay Madaxda dowlada soomaliya iyo Maamulka Puntland ujeedka kulamadaas ayaa ahaa sidii puntland loogu qancin lahaa qaadashada nidaamka 4.5.
Dowladda Somaliya iyo Maamulka Puntland, ayaa waxay ku heshiiyeen heshiis ka kooban 10 qodob, waxaana Dowladda u saxiixay Ra’iisal Wasaare Cumar C/rashiid Cali Sharmaarke, halka Puntland uu u saxiixay Madaxweyne C/weli Maxamed Cali Gaas.
Sidoo kale waxaa heshiis goob-joog ka ahaa Wakiilka Qaramada Midoobe ee Somaliya, Micheal Keating, Wakiilka Midowga Yurub, Michele Cervone d’Urso, Wakiilka Midowga Afrika, Francisco Caetano Jose Madeira, Wakiilka Urur Goboleedka Igad, Maxamed Cabdi Affey iyo Wasiirka Arrimaha Dibadda Itoobiya, Tedros Adhanom.
Qaramada Midoobe, Midowga Yurub, Igad iyo dowladaha daneeya arrimaha Somaliya. Ayaa damaanad qaadaya dhaqangalka heshiiska xalay lagu gaaray Magaalada Garoowe ee Gobolka Nugaal.
