Wafdi uu Hogaaminaayo Gudoomiyaha Gobolka Shabeelaha dhexe Cali C/laahi Xuseen (Cali Guudlaawe) ayaa maanta kormeer ku tagay deeganka Biya cadde ee dhaca duleedka Degmada Mahadaay oo dhawaan ay la wareegeen ciidamo ka Tirsan kuwa dowlada soomaliya.
Gudoomiyaha Gobolka Shabeelaha dhexe oo ay wehlinayeen mas’uuliyiin ka tirsan Maamulka Gobolka shabeelaha dhexe ayaa kormeer ku tagay xarumaha deegaanka Biya cadde ee dhaca duleedka Degmada Mahadaay isagoona ka wareystay xaaladaha amni saraakiil ka tirsan ciidamada dowlada soomaliya oo hogaaminayay howlgalka.
Afhayeenka Maamulka Gobolka Shabeelaha C/kariin macalin aaloos oo warbaahinta la hadlay ayaa sheegay in ujeedka wafdiga uu hogaaminaayay Gudoomiyaha Gobolka Shabeelaha dhexe uu ahaa u guurgalida xaaladaha amni ee deegaanka.
Dhawaan ayay aheyd markii ciidamada dowlada soomaliya ay la wareegeen deeganka Biya cadde ee dhaca duleedka Degmada Mahadaay ee Gobolka Shabeelaha dhexe.