Wasiirka Arimaha Gudaha dowlada Soomaliya Mudane C/raxmaan maxamed Xuseen Odawaa ayaa ku baaqay in si deg deg ah loo joojiyo dagaalada kasoo cusboonaaday Koonfurta Magaalada Gaalkacyo ee Gobolka Mudug,
Wasiir C/raxmaan Maxamed Xuseen Odawaa oo warbaahinta la Hadlayay ayaa sheegay in dowlada soomaliya ay aad kaga xun Tahay dagaalada saakay ka dhacay Magaalada Gaalkacyo ee Gobolka Mudug, isagoona Tacsi u direy Ehelada dadkii ku dhintay dagaalkii saakay ka dhacay magaalada Gaalkacyo.
Sidoo kale Wasiirka Arimaha Gudaha dowlada Soomaliya Mudane C/raxmaan Maxamed Xuseen Odawaa ayaa ugu baaqay Labada Madaxweyne ee Galmudug iyo Puntland c/kariin Xuseen Guuleed iyo C/wali Maxamed Cali Gaas in ay iskugu Yimaadaan Miiska wada-hadalka si xal buuxa loogu gaaro dagaalkii saakay ka dhacay Magaalada Gaalkacyo ee Gobolka Mudug,