Wararka naga soo Gaaraya Magaalada Kismaayo ee xarunta gobolka Jubada Hoose ayaa sheegaya in Halkaa uu Goor dhaweyd uu Gaaray Taliyaha ciidanka booliska Soomaaliyeed Maxamed Sheekh Xasan Xaamud oo uu wehliyo taliye ku-xigeenka ciidanka Jeneraal Bashiir Cabdi Maxamed iyo saraakiil kale
Waxaa Garoonka diyaaradaha Magaalada Kismaayo ee xarunta Gobolka Jubada-Hoose ku soo dhaweeyay saraakiil ka Tirsan ciidamada Maamulka Juba-land iyo Madax Ka tirsan Maamulka juba-land iyo saaraakiil ka Tirsan ciidamada amisom Gaar taliska Booliska Gobolada Jubooyinka
Taliyaha ciidamada Booliska soomaliya Maxamed sheikh xasan xaamud ayaa gaadiidka booliska ku wareejiyay Maamulka KMG ee Jubaland kuwasoo loogu Talagalay in ay adeegsadaan ciidamada Booliska Maamulka Juba-land gaar ahaan kuwa Booliska
Wasiirka arrimaha gudaha iyo amniga ee maamulka KMG ah ee Jubba Maxamed Warsame Faarax (Darwiish) oo lagu wareejiyay furayaasha gaadiidka booliska ah ayaa Taliska booliska uga mahadceliyay Qalabka ay Maanta soo Gaarsiiyeen ciidamada Booliska Maamulka Juba-land
Dhinaca kale Taliyaha ciidanka booliska Soomaaliyeed Maxamed sheikh xasan Xaamud ayaa tababar u furay askar ka tirsan ciidanka booliska kuwasoo dhawaan lagu xareeyay Xeryaha ciidamada Maamulka Juba-land
Taliyaha ciidamada Booliska soomalyeed Maxamed shiikh xasan Xaamud ayaa Maalmihii dambe safaro ku Tagay Meelo Kamid ah Gobolada dalka soomaliya















