Munaasabado waa weyn ayaa Maanta Lagu qabtay Magaalada Muqdisho ee Caasimada soomaliya kuwasoo lagu xusaayay Maalinta calanka soomaliyeed oo maanta ku beegan
Madaxweynaha Jamuuriyada Soomaliyaha, Ra’isul wasaaraha dalka, gudoomiyaha Barlamaanka Soomaaliya, xubno ka tirsan labada gole ee dowlada Soomaliya, SaraakiIsha Ciidamada qalabka sida, gudoomiyaha gobalka Banaadir ahna duqa magaalada muqdisho, Fanaanin, iyo dad shacab ayaa maanta kasoo qeyb galay xaflad lagu qabtay aqalka dowlada Hoose ee Gobolka Banaadir
Madaxdii goobta ka Hadashay waxaa kamid ahaa wasiirka warfaafinta dowlada soomaliya Maxamed Cabdi Xayir Maareeye isagoona sheegay in maanta ay tahay Maalin ku weyn dhamaan Umada soomaliyeed meel walba ay dunida ka Joogaan
Raisul-wasaaraha soomaliya cumar C/rashiid cali sharmarke oo goobta ka Hadlay ayaa sheegay in maanta ay tahay maalin dhamaan umada soomaliyeed ku weyn calanka waxa uu ku Tilmaamay in uusan aheyn mid kaliyah loo sameeyay Jamhuuriyada soomaliya laakin sidoo kale uu yahay mid ka dhaxeeya dhamaan umada soomaliyeed
Munaasabada waxaa sidoo kale ka Hadlay Gudoomiyaha Barlamaanka Soomaaliya Mudane Maxamed Sheikh Cusmaan (Jawaari) isagoona dhamaan Umada soomaliyeed ugu baaqay in la isku baraarujiyo muhiimada uu leeyahay calanka soomaliya
Madaxweynaha Jamhuuriyada Soomaaliya Mudane Xasan sheekh Maxamud oo munaasabada soo xiray waxa uu umada Soomaaliyed u sheegay in aysan waxba ka jirin hadalada dhawaan lagu daabacayay qaar kamid ah baraha internedka oo lagu sheegayay in astaamaha calanka wax laga bedalay.
Halkaan ka daawo sawirada Munaasabada 12-October
