Wasiirkii hore ee wasaaradda difaaca dalka Kenya Yusuf Haji islamarkaana laga soo doortay Waqooyi bari Kenya ayaa ugu baaqay dhalinyadda kasoo jeeda goboladaasi in aysan ku biirin Alshabaab.
Senator Yuusuf Haji ayaa sheegay in looga baahan yahay masuuliyiinta deegaanada waqooyi bari Kenya in ay aad kaga taxa daraan in caruurtooda ay ku biiraan Alshabab isagoona sheegay in Alshabab ay inta badan maskaxda ka badalaan dhalin yarada kenyanka ah ee kusugan guud ahaan dalkaasi.
Wasiirkii hore ee wasaarada difaaca dalkaasi oo ka hadlayay magaalada Ijara ayaa sheegay in loo baahan yahay in caruurtaasi loo sameeyo shaqo abuur si aysan ugu dhicin dabinka ay dhigayaan Alshabaab ee ku aadan ka qeyb noqoshada kooxdaasi.
Mudooyinkii dambe boqolaal ruux oo qoysas ah oo kunool waqooyi bari Kenya ayaa ka dalbanayay ciidamada difaaca dalkaasi in ay dib ugu soo celiyaan caruurtooda kuwaa oo in muda ah ka maqnaa inkastoo ciidamada Policeka dalkaasi lagu eedeeyay in qaar badan oo kamid ahaa dhalin yaradaasi ay iyagu kaxeysteen kadib markii ay kaga shakiyeen in ay cariir lala hayeen Alshabaab.
Dhawan ayay ahayd markii sida uu daabacay warqeyska the standard ee kasoo baxa Kenya in xubnaha kenyanka ah ee kabar bar dagaalama Alshabaab ay haatan cadaadisyo xoogan kala kulmayaan xubnaha ugu sar sareeyo Alshabaab iyadona qaarkood xukuno kala duwan lagu riday kadib markii lagu eedeeyay in ay kala qeybin kusamenayaan dagaalyahada katirsan Alshabaab.