Madaxweynaha Soomaaliya Maxamed Cabdullaahi Farmaajo iyo Madaxweynaha Dowlad goboleedka Puntland Mudane Cabdiwali Maxamed Cali Gaas ayaa si wadajir ah maanta oo Isniin ah u daah-furay garoonka diyaaradaha ee Janaraal Maxamed Abshir Muuse (Haamaan) ee magaalada Garoowe.
Munaasabadda ayaa waxaa ka qeyb-galay Madax ka kala socota Dowladda Federaalka Soomaaliya ,puntland, Beesha Caalamka iyo Marti sharaf kale.
Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo ayaa shalay gaaray magaalada garoowe halkaas oo ay uga bilaabatay Booqasho maalmo qaadan doonto oo uu ku marayo deegaano ka tirsan Dowladda Goboleedyada Puntland iyo Galmudug.







