Magaalada Cadaado ee caasimada KMG ee Maamulka Galmudug waxaa ka socda kulamo xasaasi ah oo loogu hadlaayo doorashada Madaxweynaha Cusub ee Maamulkaas, kadib markii shalay uu iscasilay C/kariin Xuseen Guuleed.
Cadaado waxaa ka socda kulamo gooni gooni oo ay yeelanayaan Xildhibaanada Baarlamanka Maamulka galmudug, intooda badan waxaa diirada lagu saarayaa sidii loo qaban qaabin lahaa doorashada Madaxweynaha Cusub ee Galmudug.
Xildhibaanada ayaa ku kala aragti duwan Musharaxiinta u taagan qabashada xilka maamulka Galmudug, waxaana la soo sheegayaa in Xildhibaanada ugu badan ay wataan Ex Xildhibaan Axmed Ducaale Xaaf.
Xildhibaanada Baarlamanka Maamulka Galmudug qaar ayaa ku doodaaya in Axmed Ducaale Xaaf uu mudan yahay xilka Hogaamiyaha Galmudug isla markaana ay codka siin doonaan, halka qaarna ay wataan Musharaxiin saacadihii ugu danbeeyay shaaciyay inay u taagan yihiin booska uu faarujiyay C/ariin Guuleed.