Qaraxyo ismiidaamin ahaa oo gawaari loo adeegsaday ayaa ka dhacay Magaalada Muqdisho ee Caasimada Soomaliya.
Qaraxyada oo labo ahaa oo islamarkaana ismiidaamin ahaa ayaa si weyn loogu maqlay gudaha magaalada Muqdisho.
Qaraxa koowaad ayaa la sheegay in loo adeegsaday gaari yar oo lagu qarxiyay albaabka hore ee halka loo yaqaano Madiino Gate oo ku dhow xarunta xalane ee fariin u ah Ciidamada midowga Afrika ee Amisom, Sidoo kale waxaa jiray qarax laga soo buuxiyay gaari xamuu ahaa oo ka dhacay meel ku dhow xarunta Xalane.
Saraakiil ka Tirsan Laamaha amaanka dowladda Soomaliya oo warbaahinta la hadlay ayaa xaqiijiyay in gawaarida qarxay inta aysan qarxin ay rasaaseeyeen Ciidamada Dowladda Federaalka Soomaliya iyo kuwa Midowga Afrika ee AMISOM Kadidna ay qarxeen, islamarkaana batilmeedka uu haaa Hoteelka Peace oo dhawaan lagu qabtay Shirka Urur Goboleedka IGAD.
Dhanka kale waa la xaqiijiyay in qasaaro hantiyeed uu gaaray garoonka Diyaaradaha aadan Cadde ee Magaalada Muqdisho.
waxaa jiro qasaaro dhimasho iyo dhaawac soo gaaray shacab iyo Ciidamo ka tirsan kuwa dowladda Soomaliya
