Taliska Ciidamada Maamulka Puntland ayaa sheegay in ay gacanta ku hayaan dagaalyahano ajaanib ah oo ka barbar dagaalamayay dagaalyahanada Daacish-ta Soomaliya ee laga saaray Todobaadkii hore degmada Qandala ee Gobolka Bari.
Taliyaha guud ee Ciidamada difaaca Maamulka Puntland General Saciid Maxamed Xirsi (Siciid Dheere), ayaa warbaahinta u sheegay inay Maamulka Puntland gacanta ku hayo ajaanib lagu qabtay howlgalkii dagaalyahanada Daacish-ta Soomaliya loogu saaray Degmada Qandala ee Gobolka Bari ee Puntland.
General Saciid Maxamed Xirsi (Siciid Dheere), Taliyaha Ciidanka Difaaca Puntland ayaa sidoo kale sheegay inla hayo cadeymo badan oo ay saraakiisha amniga gobolka Bari saxaafada usoo bandhigi doonan natiijadii kasoo baxday dagaalkii dagaalyahanada Daacish loogu saaray degmada Qandala oo muddo ay ku sugnaayeen.