Wasiirka Arrimaha Gudaha ee Dowladda Federaalka Soomaaliya, Cali Yuusuf Cali (Xoosh), ayaa si kulul uga jawaabay khudbad uu Madaxweynaha Puntland Siciid Cabdullaahi Deni ka jeediyay Golaha Wakiillada Puntland, isaga oo ku eedeeyay inuu ka hadlay dano shaqsiyeed halkii uu ka meteli lahaa shacabka Puntland.
Qoraal uu ku baahiyay bartiisa Facebook, wasiirku wuxuu sheegay in khudbadda Deni ay ahayd mid ku dhisan caro siyaasadeed iyo isku day lagu qarinayo fashilka hoggaamintiisa. Wuxuu ku dooday in madaxweynuhu aanu soo bandhigin arrimo dan u ah Puntland, balse uu xoogga saaray ajandihiisa siyaasadeed.
Wasiirka ayaa sidoo kale ku eedeeyay Deni inuu dhaawacay wadajirka siyaasadeed ee Puntland, siyaasadeeyay amniga gudaha, isla markaana uu isku dayayo inuu shacabka ka leexiyo su’aalaha ku saabsan waxqabadka maamulkiisa.