Boqortooyadda Ingiriiska ayaa soo saartay la-talin dhinaca socdaalka ah oo ku socota muwaadiniinteeda deggan Kenya ama kuwa doonaya inay u safraan waddanka ku yaal Bariga Afrika.
Qoraal kasoo baxay guddiga sare ee Britain ee sadldhiga u ah Magaaladda Nairobi, ayaa kaga digay mwaadiiniinta u dhashay dalka Ingriiska in aysan u safrin qeybo ka mid ah gobollada dalka inta lagu guda jiro bisha Ramadaan iyada oo sabab uga dhigaysa khatarta argagixisada oo kordhay.
UK ayaa ku dartay meelaha 60km u jira xuduudka Kenya iyo Soomaaliya inay yihiin meelaha ugu badan ee weerarada uga imaanaya Al Shabaab.
Waxay kaloo uga digtay muwaadiniinteeda inay u safraan oo kaliya qaybo ka mid ah Garissa iyo Madera, haddii ay taasi ka fursan weydo.
“Argagixisadu waxay aad ugu dhowdahay inay isku dayaan inay weerarro ka geystaan Kenya, waxaa jirta khatar sare oo argagixisanimo, oo ay ku jiraan afduubyo argagixisanimo, oo Kenya oo dhan ah. Weerarrada, oo ay ku jiraan afduubka argagixisanimada, waxay la beegsan karaan reer galbeedka, oo ay ku jiraan muwaadiniin British ah,” ayay uga digtay UK.
“Weerarradu waxay dhici karaan wakhti kasta, oo ay ku jiraan agagaarka ciidaha diimeed ama kuwa kale ee dadweynaha ama dabaaldegyada.”
UK ayaa xustay in weeraradu ay yihiin kuwo aan loo meel dayin oo mar walba lala beegsado goobaha ay ku badan yihiin dadka ajaanibka ah sida Hoteelada, Baararka, Maqaayadaha, Baararka Ciyaaraha iyo Goobaha lagu caweeyo, Goobaha Ciyaaraha, Suuqyada waaweyn, Goobaha laga dukaameysto, Dhismayaasha Ganacsiga, Xeebaha, Xarumaha Dowladda, Garoomada Diyaaradaha, Basaska, Tareenada iyo kuwa kale. xarumaha gaadiidka.
“Goobaha cibaadada oo ay ku jiraan kaniisadaha iyo masaajida ayaa sidoo kale la beegsaday. Si gaar ah u feejigan meelahan. Waa inaad ka fogaataa dhaqdhaqaaqyada joogtada ah oo aad ujeeddo inaad safarto saacadaha dharaarta,” ayay ku dartay UK talada.
Britain waxa ay xustay in ay jiraan dhacdooyin joogto ah oo dambiyo rabshado wata oo ay ka mid yihiin, tuugo hubaysan iyo baabuur lagu dhaco magaalooyinka waaweyn oo ay ku jirto Nairobi.