Dowladda Federaalka Soomaaliya ayaa cambaareysay weerarkii Hoobiyayaasha ahaa ee ku dhacay degmada Wadajir maalintii shalay aheyd.
War saxaafadeed ka soo baxay Wasaaradda Warfaafinta oo ku qornaa afka English-ka ayaa tacsi tiiraanyo leh loogu direy Qoysaska dadkii noloshooda ku waayay weerarka hoobiyayaasha,iyadoona u rajeysay kuwa ku dhaawacmay in si deg deg ah Alle u bogsiiyo.
“Dowladda Federaalka waxay aad uga xun tahay falkan foosha xun ee fuleynimada ahaa oo lagu soo beegay maalinta Xornimada oo ah maalin u dabaal dagayaan shacabka iyo qaranka”ayaa lagu yiri War saxaafadeedka.
Weerarkii Hoobiyayaasha ahaa ee shalay ku dhacay Degmada Wadajir ee Gobolka Banaadir waxaa ku dhaawacmay 5-ruux oo isku qoys ahaa.
Xarakadda Al-Shabaab ayaa sheegatay mas’uuliyadda weerarka, waxaana ay tilmaameen inay la beegsadeen Xarunta AMISOM ee Xalane.