Madaxweynaha Soomaaliya Maxamed C/llaahi Farmaajo ayaa ku sugan xarunta wasaaradda Gaashaadhigga ee magaalada Muqdisho oo shir degdeg uu kula leeyahay taliyeyaasha Ciidamada Xoogga Dalka.
Madaxweynaha Soomaliya oo ay wehliyaan saraakiil iyo xubno ka tirsan dowladda Soomaliya ayaa la sheegay in kulanka uu saraakiisha la leeyahay uu ku saabsan yahay howlgallada dagaal ee ka socda Gobollada Shabeellooyinka.
Madaxweyne Farmaajo waxaa xarunta gaashaandhigga ku soo dhoweeyay taliyaha ciidamada xoogga dalka iyo saraakiisha sare ee ciidamada xoogga, waxaana kulanka labada dhinac lagu wadaa in lagu gaaro go’aanno ku saabsan dagaalka ka dhanka ah alshabaab.
Dowladda Soomaliya ayaa wada qorshe duulaan ay ugu tahay dagaalyahanada Xarakada al-shaabab, iyadoo haatan ciidamada Amisom iyo kuwa dowladda Soomaliya ay dhaq-dhaqaayo ciidan ay ka wadaan deeganada Gobolka Shabeelaha Hoose.
