Gudoomiyaha Gobolka Banaadir ahna duqa Magaalada muqdisho Shiikh Yuusuf Xuseen Jimcaale(Madaale) oo maanta tagay goobaha uu saakay dabka ka kacay ee suuqa Bakaaraha ee Magaalada muqdisho ayaa baaq u diray shacabka Soomaliyeed.
Gudoomiyaha ayaa kaga mahadceliyay shacabka Soomaliyeed si ay ugu qeyb qaateen daminta dabka baa’bi iyay hanti badan ay lahaayeen dad Soomaliyeed, wuxuu sidoo kale u mahadceliyay Ciidamada amaanka Dowladda Soomaliya oo si wanaagsan u sugay amniga suuqa.
“Runtii waxaa ka kacay Suuqa Bakaaraha dhanka Suuqa Khaliifa dab geystay qasaaro hantiyeed, waxaa lagu bixiyay dadaal aad u sareeyo oo lagu damiyay dabka mahadaas oo dhan waxa ay u sugnaatay Shacabkii ka qeyb qaatay daminta dabka”, ayuu yiri Gudoomiyaha Gobolka Banaadir.
Sidoo kale Gudoomiyaha Gobolka Banaadir ahna duqa Magaalada muqdisho Shiikh Yuusuf Xuseen Jimcaale(Madaale) ayaa sheegay in wax laga badali doono qaabka dhismaha goobaha Ganacsiga Suuqa Bakaraaha islamarkaana talaabadaas la qaadi doono maalmaha soo socda.