Maxkamadd ku taala Jasiiradda Seychelles ayaa amar ku bixisay in lasii daayo 5-muwaadiniin Soomaliyeed oo ku eedeysnaa falal burcad badeednimo, halka sidoo kale maxkamadda ay dib u dhigtay racfaan ay qaadan lahaayeen 8-kale oo Soomali ah oo ku eedeysnaa falal burcad badeednimo.
Racfaanka ay qaateen muwaadiniintaan Soomaliga ah ayaa imaanaya xili bishii June tt Sanadkaan 2016-ka ay Maxakamadda sare ee dalkaas ay ku riday xukuno xabsi oo gaaraya 12-sano, kadib markii lasoo qabtay iyagoo ku guda jira falal burcad badeednimo.
5-ta Muwaaadin ayaa horey waxaa loogu eedeeyay in ay weerar ku qaadeen Markab Ganacsi oo laga leeyahay dalka India, balse waxaa ka badbaadiyay Ciidamada ilaalada Faransiiska oo durbadiiba usoo gurmaday Markabka weerarka lagu qaaday.
Dhanka kale Garsooraha Maxkamadda Jasiiradda Seychelles Anthony Fernnado, ayaa si deg deg ah u amray in muwaadiniintaan Soomaliyeed dib loogu soo celiyo dalkooda hooyo kadib markii lagu waayay wax dambi ah