Raisul Wasaaraha Xukumadda Federalka Soomaaliya Mudane Cumar Cabdirashiid Cali Sharmaa’arke oo kulan qadka teleefonka kula yeeshay Madaxweynayaasha Puntland iyo Galmudug C/kariin Xuseen Guulleed iyo C/wali Maxamed Cali gaas ayaa sheegay inay isku afgarteen in magaladda Galkacyo laga dhaqan geliyo xabad-joogin deg deg ah, iyadoo Taliyaasha Ciidamada Galmudug iyo Puntland lagu amray in ay kala qadaan ciidamada ku dagaalamay magaladda Gaalkacyo.
Mudane Cumar C/rashiid Cali Sharmarke Raisul Wasaaraha Xukumadda Federaalka Soomaaliya ayaa tilmaamay in dhawaan kulan la isugu keenayo madaxda Galmudug iyo Puntland la qaban doono, si loo dhameeyo colaadda magaalada Gaalkacyo ee xarunta Gobolka Mudug.
“Waxaan Madaxda Dowlad goboleedyada Galmudug iyo Puntland uga mahadcelinayaa sida ay iiga aqbaleen in xabad joojin qaataan, kadib markii aan qadka telefonka kula xiriiray, runtii aad baan uga xunahay kan Xukuumad ahaan colaadda soo noq noqatay ee magaalada Gaalkacyo, waxaana ku rajo weynahay inay dhaqan gasho heshiiska aan maanta garwadeenka ka ahaa” ayuu yiri Ra’iisul Wasaaraha Soomaaliya.
Dhanka kale Madaxweynayaasha Maamulka puntland iyo Galmudug C/wali Maxamed Cali Gaas iyo C/kariin Xuseen Guulleed ayaa si diiran u soo dhaweeyay heshiiska maanta laga gaaray colaada Magaalada Gaalkacyo ee Xarunta Gobolka Mudug.