Kooxo Hubeysan ayaa maqribkii caawa gudaha degmada Waabari ee Gobolka Banaadir waxa ay ku dileen ala ha u naxariistee Gaashaanle dhexe C/casiis Caraaye oo ka tirsanaa Saraakiisha Ciidamada Hay’adda Nabad Sugida dowladda Soomaliya.
Rag bastoolado ku hubeysnaa ayaa la sheegay in ay dileen Gaashaanlaha waxaana u suurta gashay in ay goobta ka baxsadaan dilka kadib sida goob-joogayaal ku sugn degmada Waabari ay u sheegeen idaacadda simba .
Ciidamo ka tirsan kuwa dowlaadda Soomaliya ayaa goobt gaaray dilka kadib, iyagoo halkaas ka sameeyay howlgal lagu baadi-goobayay ragii ka dambeeyay dilka Gaashaanle dhexe C/casiis Caraaye.
War rasmi ah oo kasoo baxay xarakada Al Shabaab ayay ku sheegatay Mas’uuliyadda dilka Gaashaanlle C/Caziis oo ay ku eedaysay in uu wada shaqeyn la lahaa wadamada reer Galbeedka.