Madaxwayne ku-xigeenka Maamulka Puntland C/xakiin Xaaji Cumar “ Camey iyo Mas’uuliyiin kale ayaa booqasho ku jooga Magaalada Goldogob ee Gobolka Mudug.
Madaxwayne kuxigeenka ayaa la filayaa inuu la kulmo madaxda dawlad deegaanka Itoobiya oo uu kala hadli doono xiriirka ganacsiga labada dhinac,kulankaasi oo ka dhici doona kastamka dhawaan la sameeyay ee kala bara Soomaaliya iyo Itoobiya ee loo yaqaano Tuur-dibi.
Waa booqashadii ugu horaysay ee Madaxwayne kuxigeenka Camey uu ku tago magaalada Goldogob ee Gobolka mudug, Safarka madaxwayne ku-xigeenka Puntland ayaa kusoo beegmaya xilli magaalada Goldogob meel aan ka fogayn lagu qabtay Gaadiid xamuul ah oo jabiyay amarkii madaxwayne kuxigeenka Puntland soo rogay ee ahaa in Gaadiidka ka imaada koonfurta rarka laga dajiyo.

