Baarlamaanka Maamulka Puntland ayaa maanta dib u dhigay Kalsooni siinta Gudoomiyaha maxkamada sare ee Maamulkaas iyo ku-xigeenkiisa oo maanta la filiyay in ay hortagaan Xildhibaanada si codka kalsoonida ay u weydiistaan.
Dib u dhacaan ayaa loo maleynayaa inuu sabab u yahay madaxweynaha Puntland iyo wafdi uu hogaaminayo oo haatan ku sugan Garoonka diyaaraddaha Magalada Garowe, iyagoo kusii jeeda dalka Itoobiya, waxaana sii sagootinayaa saddexda Gole ee Puntland, oo ay ku jiraan madaxweyne ku xigeenka Eng, Camey iyo Gudoomiyaha barlamaanka Axmed Cali Xaashi.
Maalinta bari oo Khamiis ah ayaa la filiyaa in Gudoomiyaha maxkamada sare ee Maamulkaas iyo ku-xigeenkiisa ay hortagaan Xildhibaanada Baarlamanka Mamulka Puntland si ay u weydiistan codka Kalsoonida.
Mudane Yuusuf Xaaji ayaa loo Magacaabay Gudoomiyaha maxkamada sare ee Puntland halka Nuur Ciise Maxamed loo Magacaabay Gudoomiye Ku-xigeenka kadib wareegto kasoo baxday Madaxweynaha Puntland Dr C/wali Maxamed Cali Gaas.