Madaxweynihii Hore ee Maamulka Cabdi Xasan Cawaale (Qaybdiid) ayaa Madaxda Maamulka Galmudug ku eedeeyay in ay ku fashilmeen inay Shabaab ka saari waayaan deeganada ay ka joogaan Gobolka Galgaduud ee bartamaha dhulka Soomaliya.
“Waxaa aad iyo aad runtii nasiib daro ah, maanta reer Galmudug maamulkii ay dhisteen ee ay ku midoobeen deeganadii la haystay oo nimanka Al-shabaab ah ay haystaan inaan laga xureynin, waa bar madoow oo ku taalo Maamulka Galmudug Xiligaas .”Ayuu yiri Mudane Cabdi Xasan Cawaale Qaybdiid.
Madaxweynihii hore ee Maamulka Galmudug Cabdi Xasan Cawaale (Qaybdiid) ayaa sidoo kale sheegay in Maamulka Galmudug uu ku fashilan yahay arimaha ku aadan in wada hadal lala galo Maamulka Ahlu Sunna ee Gobolada Dhexe oo siyaad ahaan kasoo horjeeda Maamulka uu Hogaamiyo C/kariin Xuseen Guuleed.