Madaxweynaha Jamhuuriyadda Somaliya, Mudane Xasan Sheekh Maxamuud, ayaa xalay xarunta Aqalka Madaxtooyada kula kulmay Saraakiisha Ciidamada Qalabka Sida Somaliya iyo kuwa Nabad Ilaalinta Midowga Afrika ee AMISOM.
Kulankaan oo ahaa mid casho oo Madaxweynaha uu u sameeyay Saraakiishaasi, ayaa waxaa ka qaybgalay xubno ka tirsan labada gole ee Dowladda iyo marti sharaf kale, arrimaha ugu weyn ee muhiimada lagu saaray waxaa kamid ahaa sidii loosii wadi lahaa howlgalka dalka loogu saaray Al-shabaab iyadoo madaxweynaha uu bogaadiyay guulaha ay gaareen ciidamada.
Madaxweyne Xasan Sheekh Maxamuud, ayaa dhanka kale ka codsaday Ciidamada dowlada soomaliya iyo kuwa AMISOM inay xaqiijiyaan ammaanka goobaha lagu wado in ay ka dhacdo doorashada sanadkan la fillaayo inay ka qabsoomto Somaliya.
