Wafdi uu Hogaaminaayo Madaxweynaha Soomaliya Mudane Xasan Shiikh Maxamuud ayaa goordhaweyd gaaray Magaalada Baydhabo, halkaasoo galinka dambe ee Maanta ah uu ka furmi doono shirka madasha wada-tashiga qaranka ee Doorashooyinka Soomaliya.
Madaxweynaha Soomaliya Mudane Xasan Shiikh Maxamuud iyo wafdigiisa waxaa Garoonka Diyaaradaha shaati Gaduud Air Port kusoo dhaweeyay Gudoomiyaha Baarlamanka Soomaliya Maxamed shiikh Cusmaan Jawaari, Madaxweynaha Koonfur Galbeed Shariif Xasan shiikh aadan iyo Mas’uuliyiin kale.
Dhanka kale waxaa Maanta Magaalada Baydhabo ee Gobolka Baay Gaaray Wafdi uu Hogaaminaayo Madaxweynaha Maamulka Juba-land axmed Maxamed Islaam (axmed Madoobe) oo isna si weyn loogu soo dhaweeyay Magaaladaas.
Madaxweynayaasha Galmudug iyo Puntland ayaa iyagana ku wajahan Magaalada Baydhabo ee Gobolka Baay oo galinka dambe ee maanta u ka furmi doono shirka madasha wada-tashiga Qaranka ee Doorashooyinka Soomaliya.

