Warar lagu kalsoonaan karo ayaa sheegaya in dagaalyahan u dhashay dalka Masar oo ka Tirsanaa Al-shabaab uu ku dhintay weerarkii Al-shabaab ay 9-kii bishaan ku qaadeen saldhig ay Ciidamada Ethopia ku lahaayeen deegaanka Halgan ee Gobolka Hiiraan.
Khattab Al-Masri, oo ah muwaadin u dhashay dalka Masar oo ka Tirsanaa Al-shabaab ayaa la baahiyay in uu kamid ahaa 200-askari oo dowlada Ethopia ay sheegtay in Ciidankeeda ay ku dileen weerarkii ay al-shabaab kusoo qaadeen deegaanka Halgan.
Khattab Al-Masri ayaa sidoo kale saaxiib dhow la ahaa Abou Mansoor al amriki oo isna Soomaliya lagu dilay.
Al-shabaab wali kama aysan Hadlin dhimashada Khattab Al-Masri.
Al-shabaab ayaa 9-kii Bishaan weerar xoogan ku qaaday saldhig ay ciidamada Ethopia ku lahaayeen deegaanka Halgan ee Gobolka Hiiraan Dowladaha Ethopia, Somaliya ayaa sheegay in weerarkaas Al-shabaab loogu dilay 200-askari.

