Dhalinyaro Lagu Eedeeyay in ay ka Tirsanaayeen Xarakada Al-shabaab oo La Xukumay

0

Maxakamada Darajada koowaad ee Ciidamada qalabka sida ee Maamulka Puntland ayaa maanta oo sabti ah ku dhawaaqday in xukuno dil toogasho ah lagu xukumay 43-dhalinyaro oo lagu eedeeyay in ay ka Tirsanaayeen Al-shabaab-kii  weeraray xeebaha deeganada Puntland bishii Maarso.

Xeer ilaaliyaha maxkamada Cabdullaahi Xirsi Cilmi Cali oo  la hadlay Warbaahinta  ayaa sheegay in raggaan la xukumay inay ku cadaatay oo ay qirteen inay duulaan  kusoo qaadeen Puntland iyo shacabkeeda islamarkaana ay ka dambeeyeen dilka 24 askari iyo dhaawaca 72 kale, oo dhamaatooda ahaa Ciidamada Puntland

Xeer ilaaliyaha maxkamada  ayaa sidoo kale sheegay inay maxkamada reebtay labo maxbuus oo da’ahaan looga reebay xukunkaan, iyadoo markii hore ay tiradu ahayd 45 maxbuus ah oo maxkamada lasoo taagay.

Ciiidamo ka Tirsan al-shabaab ayaa bishii Maarso weerar ku qaaday Gobolada Karkaar, Nugaal iyo  Mudug, Maamulka puntland ayaa sheegay in dagaalka lagu qabtay ilaa dhowr maxaabis.

 

 

 

 

CEVAP VER

Please enter your comment!
Please enter your name here