Kalfadhiga labaad ee Baarlamanka Maamulka Galmudug ayaa maanta ka Furmay magaalada cadaado ee caasimada Kmg-ga dowlada Goboleedka Galmudug.
Waxaa kalfadhiga Labaad ee xildhibaanada Baarlamanka Maamulka Galmudug Furey Madaxwayne ku-xigeenka Galmudug Maxamed Xaashi Cabdi, waxaana munaasabadda furitaanka ka qaybgalay guddoomiyaha Baarlamanka Galmudug Cali Gacal Casir labadiisa ku-xigeen iyo Xildhibaanada oo ka soo laabtay fasax laba bilood ah.
Guddoomiyaha Baarlamanka Galmudug Cali Gacal Casir oo Furitaanka hadal kooban ka jeediyay ayaa u sheegay xildhibaanada baarlamanka Maamulka Galmudug in ay horyaalaan shaqooyin iskugu jira sharciyada iyo maamulka isagoona xildhibaanada ugu baaqay in kulamada baarlamanka Maamulka Galmudug ay soo xaadiraan,
Furitaanka kalfadhiga 2-aad ee baarlamanka Maamulka Galmudug waxaa lagu hordhaariyay, Xildhibaanno cusub, Wasiirka Haweenka iyo xuquuqul insaanka Galmudug iyo Wasiir ku-xigeenka Waxbarashada oo aan horay loo dhaarin.
Madaxwayne ku-xigeenka Galmudug Maxamed Xaashi Cabdi oo kulanka ka hadlay ayaa sheegay in xukuumada ay ku guuleysatay arrimo badan intii ay xirnaayeen kulamada Baarlamanka maamulka Galmudug,
Dhanka kale Madaxwayne ku-xigeenka Galmudug Maxamed Xaashi Cabdi, ayaa warbaahinta la hadlay furitaanka kadib ayaa sheegay in dhawaan la Furi doono dekedda magaalada Hobyo,