Wararka ka imaanaya Gobolka Shabeelaha Dhexe ayaa ku waramaya in Caawa Rag hubeysan ay Bambo Gacmeed ku weerareen Hoyga Taliyihii Ciidamada Booliska Gobolka Shabeelaha Dhexe Khaliif Cabdule Carfaaye.
Inta la xaqiijiyay waxaa bambo gambeedka ku dhaawacmay marka hore Taliyihii Ciidamada Booliska Gobolka Shabeelaha Dhexe Khaliif Cabdule Carfaaye iyo askari ilaalo u ahaa taliyaha oo xiligaas hoygiisa ku sugnaa.
Dhaawaca Khaliif Cabdule Carfaaye, Taliyihii Ciidamada Booliska Gobolka Shabeelaha Dhexe ayaa waxaa loola cararay isbitaalka guud ee degmada Jowhar ee gobolka Shabeelaha Dhexe ee Mamaulka Hir-shabeelle, balse daqiiqado kadib waxaa la xaqiijiyay in dhaawaca gaaray taliyaha uu u geeriyooday.