kulan ay wada yeesheen wasiirada Arimaha Gudaha Wadamada ku bahoobay jaamacadda Carabta ayaa waxa ay diirada ku saareen xaaladaha amni iyo midka dhaqaale ee wadamada Soomaaliya, Ciraaq, Liibiya, Suudaan, Urdun, Qatar, Sacuudiga, Falastiin iyo Al-Jareeriya.
kulankaani ayaa ka dhacay magaalada Tunis ee dalka Tunisia waxaa Shir gudoominaye Dr Max’ed Binu Cali Kuumaan oo ah Xog-hayaha guud ee wasiirada arimaha gudaha jaamacadda Carabta.
“Waa in la helaa Xal Buuxo oo lagu wajahayo xaaladaha amni ee dalalaka ku bahoobay jaamacadda Carabta” ayuu Yiri Xog-haye Dr. Max’ed Binu Cali Kaamuun.
waxa uu intaasi kusii daray in Jaamacadda Carabta ay qeyb ka qaadaneyso arimaha amni iyo midka dhaqaale ee Soomaaliya maadaama xiligaani lagu jiro loolan doorasho oo lagu galayo Dowlad Cusub.
Jaamacadda Carabta ayaa kulankeeda si weyn kaga hadashay arimaha dhaqaale ee wadanka Suudaan oo haatan gaarsiisan meeshii ugu hooseysay, inkastoo madaxda wadankaas ay sheegeen in wada-hadal ay lagali doonaan Madaxweynaha Cusub ee dalka Mareykanka si cunaqabateynta dhaqaale saaran loogu qaadi lahaa.