Madaxweynaha Maamulka Puntland Dr C/wali Maxamed Cali Gaas ayaa maanta Magaalada Garoowe ee Caasimada Puntland ka daahfurey Kalfadhiga 38-aad ee Golaha Wakiilada Maamulkaas.
Inta badan Xildhibaanada Baarlamanka Maamulka puntland ayaa ka qeyb galaya furitaanka Kalfadhiga 38-aad waxaa jiro xildhibaano su’aalo dhowr ah weydiinaya Madaxweyne Gaas.
Su’aalaha lagu wado in la weydiiyo Madaxweyne C/wali maxamed Cali Gaas waxaa ka mid ah dagaalada magaalada Gaalkacyo ee Gobolka Mudug, doorashooyinka labada aqal ee dalka , xaalada degmada Qandala iyo qabsashadii Daacish-ta Soomaliya.
Madaxweynaha Maamul Gobaleedka Puntland ayaa amar Culus ku Bixiyey dhawaan in aan la Daah Furi Karin Kalfadhiga 38-aad ee Golaha Wakiilada Maamulkaas oo todobaadkii aynu soo dhaafnay Xildhibaanada Baraalamanka maamulkaas ay u Madalnaayeen in uu ka Furmo Magaalada Garoowe ee Xarunta Gobalka Nugaal.
Madaxweyne Gaas ayaa ku amray Gudoomiyaha Baarlaamanka Puntland iyo Madaxweyne ku Xigeenka Ahna Ku Simaha Madaxweynaha Eng C/xakiim Cabulaahi Xaaji Cumar Camey inaysan Furi Karin Kalfadhigaa Baarlaamanka ilaa uu ka soo Afjarayo Socdaal Shaqo oo uu ku joogay deegaanada Maamulkaas.