Ciidamada Amaanka Magaalada Mombasa ee dalka Kenya ayaa toogasho ku dilay labo nin oo lagu tuhunsan yahay in ay ka Tirsan Yihiin Xarakada Al-shabaab, laamaha amaanka kenya ayaa sidoo kale sheegay in ragaan ay kamid ahaayeen kuwa ka baxsaday Howlgal laga sameeyay Majengo iyo Malindi, ee Magaalada Mombasa.
Taliye ku xigeenka policeka saldhiga Kisauni Walter Abondo ayaa sheegay labadan nin ay ahaayeen xubno ka tirsan Xarakada Al-Shabaab oo lagu tuhunsan yahay in ay qorsheynayaan in ay qaadaan weerarro ka dhaca Mombasa.
Booliska Magaalada Mombasa ayaa sidoo kale gacanta kusoo dhigay 17 rasaas ah, saddex qarxa dareere, afar qaraxa caag ah iyo afar qarxiyayaal bam, oo la sheegay in ay isticmaalayeen labada nin ee la dilay.