Maamulka Gobolka Banaadir ayaa ka warbixiyay burcad la sheegay in ay isticmaalayeen Magaca Hay’ada Nabad sugida iyo sirdoonka Qaranka Soomaliya ee NISA oo laga qabtay Xaafada Suuqa Xoolaha degmada Heliwaa.
Afhayeenka Maamulka Gobolka Banaadir C/fitaax Cumar Xalane oo warbaahinta kula hadlay Xaafada Suuqa xoolaha ee degmada Heliwaa ayaa sheegay in wax laga xishoodo aan dhagaha u wanaagsaneen ay tahay In la maqlo rag shacabka soomaliyeed ku dhacaya Magacya Ciidamada Hay’ada Nabad sugida iyo Sirdoonka Qaranka Soomaliya.
“Waxaan Rabaa in aan u mahadceliyo Ciidamada Nabad Sugida iyo Sirdoonka Qaranka Soomaliya oo qabtay shaqo layaab Leh oo umada soomaliyeed usoo dhiciyay Alaabtooda , maanta kama hadlaayo Shabaab, waxaan ka hadlaayo waa kuwa Nacasiin ah oo isticmalayay MagacA Nabad sugida Masaakiin ayay u garaaceen gurigooda iyagoo dhahaayo waxbaan baareynaa waxayna sameeyeen waxa laga xumaado oo ah in ay dhaceen ayuu yiri” afhayeenka Maamulka Gobolka Banaadir C/fitaax Cumar Xalane.
Afhayeenka Maamulka Gobolka Banaadir C/fitaax Cumar Xalane ayaa u mahadceliyay shacabka Xaafadada Suuqa Xoolaha ee degmada heliwaa oo uu ku aamaanay sida ay ula shaqeynayaan Ciidamada Amaanka wuxuu sidoo kale sheegay in sharciga la marsiin doono kuwa gacanta lagu soo dhigay Maanta.
