Maamulka Galmudug ayaa ka hadlay dagaaladii maalmihii dambe ka socday Gobolka Galgaduud ee u dhaxeeyay ciidamada Galmudug, kuwa dowlada soomaliya, amisom iyo Xarakada al-shabaab oo ku sugan qeybo kamid ah Gobolka Galgaduud.
Madaxweyne Ku-xigeenka Maamulka Galmudug Maxamed Xaashi Cabdi (Carrabey) oo shir jaraa’id ku qabtay Magaalada Cadaado ayaa sheegay in ciidamada Galmudug, kuwa dowladda Soomaaliya iyo Amisom oo iska kaashanayo ay gacanta ku dhigeen deegaanka Galcad ee gobolka Galgaduud. oo mudooyinkii dambe ay gacanta ku hayeen al-shabaab.
Maxamed Xaashi Cabdi (Carrabey) Madaxweyne Ku-xigeenka Galmudug waxa uu tilmaamay in ay sii socon doonaan Howlgalka ay iska kaashanayaan ciidamada Galmudug, kuwa dowlada soomaliya iyo amisom oo Gobolka Galgaduud loogu saarayo qeybaha ay kaga sugan yihiin al-shabaab.
Maalmihii dambe waxaa ka dhacayay deegaano Hoos yimaada gobolka Galgaduud dagaalo u dhaxeeyay ciidamada galmudug kuwa dowlada, amisom iyo Xarakada al-shabaab oo ku sugan qeybo kamid ah Gobolka.