Laamaha amniga degmada Dhoobley oo howlgal amni xaqiijin ah ka sameeyay xaafado ka tirsan degmada ayaa gacanta kusoo dhigay Xasan Ibraahim oo horay ugu biiray alshabab
Ninkaan la qabtay ayaa hore ugu goostay al shabab isaga oona muddo ay daba socdeen laamaha ammaanka Jubbaland, isagoona hadba deegaan ku dhuumaaleysanayay sida ay sheegeen ciidanka hayeshee ugu dambeyna waxaa suuro gashay in ciidamada Booliska Jubbaland ay gacanta kusoo dhigaan.
Ninkaan iyo labo nin oo kale ayaa horay mamulka Jubbaland ugala baxsaday gaari Land Cruiser Hardtop ah, waxayna u geyeen al shabab, laamaha amniga Jubbaland oo kaashanaya sirdoonka Qaranka ee NISA ayaa waxaa horay ugu suuragashay inay magaalada Muqdisho kasoo qabtaan labadii kale oo hadda ku xiran magaalada Kismaayo.
Laamaha ammaanka Jubbaland ayaa marar badan sidan oo kale gacanta ugu soo dhigay kuwa al shabab can saar layeeshay oo isku dayay in ay bulshada isku qariyaan.